AQSh azamaty KHDR-da tyńshylyq jasaǵany úshin 10 jylǵa sottaldy
ASTANA. QazAqparat - Ótken jyly Koreı Halyqtyq Demokratııalyq Respýblıkasynda ustalyp, qamaýǵa alynǵan ulty káris AQSh azamaty Kım Don Chholdi eldiń Joǵarǵy soty tyńshylyq jasaǵany úshin 10 jylǵa bas bostandyǵynan aıyrdy, dep habarlady TASS.
Amerıka azamaty KHDR-nyń soltústik-shyǵysyndaǵy Rason saýda-ekonomıkalyq aımaǵynda ustaldy. Ol munda kásipkerlik jáne qaıyrymdylyq qyzmetke qatysý syltaýymen júrgen. Ol Ońtústik Koreıa barlaý qyzmetiniń tapsyrmasy boıynsha KHDR-da sonyń ishinde áskerı sıpattaǵy aqparatty jınaýmen aınalysyp, turǵyndar arasyndaǵy kóńil kúı, azyq-túlik bazarlaryndaǵy jaǵdaı týraly málimetterdi jiberip otyrǵan.
Kım Don Chhol KHDR-ǵa qarsy jan túrshigerlik qylmystar jasaǵanyn, sonyń ishinde Phenıanǵa qarsy nasıhat júrgizgenin moıyndap, keshirim surady jáne ózine jumsaqtyq tanytýdy surady.
Prokýror barynsha qatal úkim shyǵarýdy talap etti. Sot Chholdiń tergeýge kómekteskenin, sottalýshynyń shyn júrekten ókingenin jáne onyń jasyn eskerdi.
Kım Don Chhol 19 jasqa deıin Seýlda turǵan, odan keıin Vırdjınııa shtatyna kóship, onda joǵary bilim alyp, AQSh azamatyǵyna qol jetkizgen.
