AQSh azamattyǵyn qabyldaǵan pavlodarlyq 800 myń teńge aıyppul tóledi

PAVLODAR. KAZINFORM - Er adam AQSh eliniń azamattyǵyn alǵany týraly tıisti organdarǵa eskertpegen. Sot er adamdy kináli dep tanydy.

Qazaqstanda qos azamattyqqa zań júzinde tyıym salynǵan. 2024 jyldyń qorytyndysy boıynsha Ertis-Baıan óńirinde 1 387 adamǵa qatysty QR azamattyǵynan aıyrý tirkelgen. Onyń 1 362-si ózge memlekettiń azamattyǵyn qabyldaǵanyn derbes túrde habarlaǵan. Alaıda keıbir adamdar ózderiniń basqa eldiń azamaty ekenin jasyratyn nemese ýaqytynda habarlamaıtyn jaıttar kezigip otyr.

— Mysaly, polıtseıler kórshi memlekettiń azamattyǵy bar 54 jastaǵy Qazaqstan Respýblıkasynyń azamatyn anyqtady. Materıal sotta qaralyp, onyń sheshimi boıynsha Jelezın aýdanynyń turǵyny elden shyǵaryldy. Sot azamattyń Qazaqstan aýmaǵyna kirýine 5 jylǵa tyıym saldy, - dep habarlady Pavlodar oblysynyń polıtsııa departamentinen. 

Taǵy bir jaǵdaıda er adam AQSh azamattyǵyn qabyldap, ol týraly tıisti organdarǵa habarlamaǵan. Sot er adamdy kináli dep tanyp, shamamen 800 myń teńge somaǵa ákimshilik aıyppul saldy. 

Eske sala keteıik, Shyǵys Qazaqstanda qos azamattyqpen júrgen 48 adam anyqtaldy.