AQSh azamattaryn Izraılden evakýatsııalap jatyr
ASTANA.KAZINFORM – AQSh elshiligi Izraılden ketkisi keletin amerıkalyqtar úshin evakýatsııalaýǵa qajetti reıster men krýızdik laınerlerdi daıyndap jatyr, dep habarlaıdy Anadoly.
AQSh-tyń Izraıldegi elshisi Maık Hakabı X áleýmettik jelisinde Irannyń zymyran shabýyldaryna baılanysty Izraılden ketkisi keletin azamattardy evakýatsııalaý boıynsha jumys júrgizilip jatqanyn málimdedi.
Hakabı evakýatsııaǵa tirkeý rásimderi bastalyp ketkenin atap ótti.
Israel Hayom gazetiniń habarlaýynsha, Iranmen bastalǵan qaqtyǵystan beri alǵash ret shetel azamattaryna jáne dıplomattarǵa elden shyǵýǵa ruqsat beriledi. Ushý kúni — 2025 jylǵy 20 maýsym, juma.
Sondaı-aq habarlamada Izraıl azamattary elden tek erekshe jaǵdaılar komıtetiniń ruqsatymen ǵana usha alatyny aıtylǵan.
Osyǵan deıin Iranda ınternet qyzmeti toqtaǵany týraly jazdyq.