AQSh azamatshasy «onlaın-ǵashyǵyna» 1,4 mln dollar aýdaryp jibergen
ASTANA. QazAqparat - AQSh turǵyny shynaıy ómirde eshqashan kórmegen «onlaın-ǵashyǵyna» bir jarym jyldyń ishinde 1,4 mıllıon dollardy aýdaryp jibergen, dep habarlaıdy Lenta.rý «Viral Spell» saıtyna silteme jasaı otyryp.
Afrıkada (birde Benın Respýblıkasynda, birde Nıgerııada) turatyn 46 jastaǵy er adam AQSh azamatshasymen Internet arqyly tanysqan. Ony súıetindigin aıtyp, sendirgen. Tipti, jaqynda Amerıkaǵa baryp, oǵan úılenetinin aıtyp, ýáde de bergen. Osylaısha ol, ony aldap, aqsha alyp otyrǵan.
Sara esimdi áıeldiń aıtýynsha, aqsha aýdaryp otyrǵan er adamdy eshqashan kórmegen. Onyń aıtýynsha, er adam AQSh azamaty eken, otanyna oralýǵa túrli sebepter kedergi bolyp, qınalyp júrgen. Osyndaı qııal áńgimege sengen áıel oǵan úzdiksiz aqsha aýdaryp turǵan. Tipti, ol quny 500 myń dollar turatyn úıin de «mahabbat» jolynda qurban etken.
