AQSh azamatshasy atyraýlyq polıtseılerge alǵys aıtty
28 sáýirde Atyraýda AQSh azamatshasy, Florıda shtatynyń turǵyny Lında Djeın Djeıkbson taksıde planshetin umytyp qaldyryp ketken. Ol gadjette amerıkalyqtyń jeke derekterinen bólek, mańyzdy qujattary saqtalǵan. Ol Atyraý qalalyq polıtsııa basqarmasyna kómek surap barǵan. Kóshedegi baqylaý kameralarynyń kómegimen polıtseıler shetel azamatshasynyń mingen taksıin taýyp, planshetin qaıtaryp berdi.
Іzdestirýge Jedel basqarý ortalyǵynyń operatorlarymen birge, patrýldik qyzmet pen jedel ýákilder tartylǵan.
AQSh azamatshasy jarııalaǵan vıdeorolıkti ol atyraýlyq polıtseılerdiń jedel jumysyna qaıran qalady.
«Polıtseıler meniń planshetimdi qysqa ýaqyttyń ishinde taýyp berdi. Olar óz mindetterin kásibı túrde atqardy. Munda polıtseılerdiń barlyǵyna ádildikpen qarap, bárine birdeı qarym-qatynas jasaıtyny qýantady. Men bul qalany jaqsy kóremin jáne polıtseılermen ózimdi qaýipsiz sezinemin. Alǵysym sheksiz, olar «sýpermender», - dedi ol vıdeoúndeýde.