AQSh aýmaǵyna 40 myń tiri pıranıa ákelgen Nıý-Iork turǵynyna 73 myń dollar aıyppul salyndy
ASTANA. QazAqparat - Nıý-Iork turǵyny AQSh aýmaǵyna zańsyz 40 myń tiri pıranıany engizgenin moıyndady. Beısenbi kúni jergilikti BAQ habarlaǵandaı, 66 jastaǵy Djoel Reıkover bul áreketi úshin 73 myń dollar kóleminde aıyppul tóleıtin bolady.
Tergeý amaldarynyń derekteri boıynsha, balyqtyń bul túrin amerıkandyq Gonkongtan satyp alyp, AQSh-taǵy zoodúkenderge ótkizip otyrǵan. Reıkover jetkizýshilerdi qujattarǵa pıranıalardy akvarıýmda ósiriletin balyqtar dep jazýǵa kóndirgen.
Al Nıý-Iorkte, ózge 20-dan astam amerıkandyq shtattaǵydaı, jeke tulǵalarǵa pıranıalardy ustaýǵa tyıym salynǵan.
Tergeý amaldary barysynda anyqtalǵandaı, Reıkover kontrabandamen 2011-2012 jyldary da aınalysypty.
Pıranıalar - Amazonka men Ońtústik Amerıkanyń ózge de ózenderinde mekendeıtin toptyq jyrtqysh balyqtar. Tisteri ótkir, balyqtar men ózge janýarlardy aýlaıdy. Bul tirshilik ıesi adamǵa da qaýipti.
