AQSh Aýyl sharýashylyǵy mınıstrligi 42 mln amerıkalyqqa kómek kórsetýdi toqtatady

ASTANA. KAZINFORM – AQSh Aýyl sharýashylyǵy mınıstrligi 1 qarashada úkimet jumysyn toqtatýǵa baılanysty qosymsha tamaqtandyrýǵa kómek kórsetý baǵdarlamasy boıynsha tólemder júrgizilmeıtinin málimdedi, dep habarlaıdy Kazinform tilshisi ABC News arnasyna silteme jasap.

Kóbinese «azyq-túlik markalary» dep atalatyn SNAP baǵdarlamasy shamamen 42 mıllıon tabysy tómen amerıkalyqtardy qamtıdy. Baǵdarlama tolyǵymen federaldy túrde qarjylandyrylady, biraq shtat deńgeıinde basqarylady. 

AQSh Aýyl sharýashylyǵy mınıstrligi jarııalaǵan málimdemede demokrattardy qarjylandyrýdyń qysqarýy týraly baıandalǵan. 

Demokrattar respýblıkashyldar baqylaıtyn Kongress pandemııa kezinde engizilgen «Qoljetimdi kútim týraly» zańnyń sýbsıdııalaryn uzartýǵa kelmeıinshe, úkimettik qarjylandyrýdy uzartýǵa jáne úkimettiń jumysyn toqtatýǵa daýys bermeıtinderin aıtty. 

Eske sala keteıik, buǵan deıin AQSh áskerı qyzmetkerleri 15 qarashadan bastap jalaqysyz qalýy múmkin ekenin jazǵanbyz.