AQSh Aýǵanstanǵa qosymsha 30 myń áskerı qyzmetker jóneltedi - Obama
sp;ASTANA. Jeltoqsannyń 2-si. QazAqparat - Qurama Shtattar keler jyly Aýǵanstandaǵy kontıngentiniń sanyn 30 myńǵa adamǵa arttyrmaq.
Bul týraly AQSh Prezıdenti Barak Obama Vest-Poınt áskerı akademııasynda Aýǵanstandaǵy jaǵdaı týraly sóılegen sózinde málim etti, dep habarlaıdy «Azattyq» radıosy. Obama sondaı-aq koalıtsııadaǵy odaqtas elderdi de Aýǵanstanǵa qosymsha ásker jóneltýge úndedi.
Obamanyń bul sheshimi - elde áreket etip otyrǵan «Ál-Kaıeda» sodyrlary men «Talıban» qozǵalysynyń kózderin barynsha qysqa merzimniń ishinde joıýǵa baǵyttalǵan AQSh-tyń Aýǵanstandaǵy jańa strategııasynyń bir tarmaǵy. AQSh Prezıdenti sondaı-aq bul mindetti sheshý úshin Pákistanmen tyǵyz yntymaqtastyqtyń qajet ekenin basa aıtty.
Obamanyń sózine qaraǵanda, jańa strategııa nátıje bergen jaǵdaıda 2011 jyldyń jaz aıynan bastap AQSh áskeri birtindep Aýǵanstannan áketile bastaıdy.
