AQSh Aýǵanstanda lańkesterdi jeńý maqsatynan bas tartpaq emes - Obama
ASTANA. Tamyzdyń 3-i. QazAqparat - Qurama Shtattar Aýǵanstanda lańkesterdi jeńý maqsatynan bas tartpaq emes.
Bul týraly keshe AQSh Prezıdenti Barak Obama Atlantada (Djordjııa shtaty) amerıkandyq soǵys ardagerleriniń aldynda sóılegen sózinde málim etti. Amerıkandyqtar men olardyń odaqtastarynyń osy baǵytta Aýǵanstanda atqaratyn is-sharalary «uzaq jáne qıyn bolady», dedi Obama óz sózinde.
«Aýǵanstanda bizdiń aldymyzda burynǵysynsha kúrdeli yǵyttar kútip tur, degenmen, amerıkandyqtardyń bul baǵytta da progreske qol jetkiziletinin jáne bizdiń maqsattarymyzdyń aıqyn jáne qoljetimdi ekenin bilgenderi óte mańyzdy», dedi Aq úı basshysy.
Prezıdent sondaı-aq lańkestikpen tek aýǵan aýmaǵynda ǵana emes, shekaranyń ar jaǵynda - Pákistanda da kúresý kerektigin aıtty.
Iraktaǵy oqıǵalarǵa toqtalǵan Obama, elde qazir múldem basqa jaǵdaı qalyptasyp otyrǵanyn aıtty. «Kelesi aıdan bastap biz Iraktaǵy operatsııanyń mazmunyn ózgertemiz: áskerı operatsııalardan Iraktyń qaýipsizdik kúshterin jattyqtyrýǵa kómektesýge aýysatyn bolamyz», dedi ol. Bul týraly ITAR-TASS agenttigi habarlady.
