AQSh áýejaıynda American Airlines jolaýshylar ushaǵy órtenip ketti

ASTANA. KAZINFORM – Denver (Kolorado) halyqaralyq áýejaıynda American Airlines jolaýshylar ushaǵy kenetten órtenip ketti. Bul týraly Anadoly jazdy.

Jergilikti aqparat quraldarynyń habarlaýynsha, oqıǵa saldarynan eshkim zardap shekpegen, barlyq jolaýshylar der kezinde evakýatsııalanǵan.

Amerıka sheneýnikteri adam ómirine qaýip joq ekenin rastady.

CNN habaryna sáıkes, Denver (Kolorado) halyqaralyq áýejaıynda Boeing 737 bortyndaǵy órtten zardap shekken 12 adam aýrýhanaǵa jetkizilgen.

Oqıǵaǵa baılanysty tergeý bastalǵan.

Áleýmettik jelide jarııalanǵan kadrlarda tótenshe jaǵdaılar qyzmeti órtti sóndirýmen aınalysyp jatqan kezde ushaqtan qoıý tútinniń kóterilgenin kórýge bolady.

Buǵan deıin AQSh-ta jedel járdem tikushaǵy apatqa ushyrap, úsh adam qaza tapqanyn jazǵan edik.

Qosa keteıik, aqpan aıynda Fıladelfııada sanıtarlyq avıatsııa ushaǵy apatqa ushyraǵan edi. Apat saldarynan 7 adam qaza tapqan.