AQSh áýejaıda tekseris kezinde jolaýshylarǵa aıaq kıimderin sheshpeýge ruqsat etedi

ASTANA.KAZINFORM — AQSh kólik qaýipsizdigi basqarmasy bul tártip engizilgenine 20 jyl ótken soń eldegi kóptegen iri áýejaılardaǵy tekseris kezinde jolaýshylarǵa aıaq kıimderin sheshpeı-aq qoıýǵa ruqsat berýdi josparlap otyr, dep habarlaıdy ABC News. 

Agenttik málimetinshe, vedomstvonyń birneshe áýejaı basshylaryna joldaǵan jadynamasynda jańa erejeniń 13 shildede júzege asyrylatyny aıtylǵan. Sonymen qatar, bul sharany AQSh-tyń barlyq áýejaıynda kezeń-kezeńimen engizý basty maqsat ekeni atap ótilgen. Metall izdeýshi jaqtaýlar iske qosylmaı qalǵan jaǵdaıda ǵana aıaq kıim sheshý talap etiledi.

Barlyq jolaýshyǵa aıaq kıimderin sheshý talaby 2006 jyly engizilgen. Bul Parıjden Maıamıge ushyp bara jatqan American Airlines ushaǵynyń bortyndaǵy lańkestik áreketten bes jyl ótken soń bastaldy. Qylmysker jarylǵysh zatty aıaq kıimine jasyryp, kabınaǵa kirgizgen, biraq ony iske qosa almaǵan. 2011 jyly aıaq kıimdi tekserý erejeleri 12 jasqa deıingi balalar men 75 jastan asqan eresekter úshin jeńildetildi.

Buǵan deıin Boeing áýe apattary, qyzmetkerlerdiń narazylyǵyna baılanysty bedeliniń tómendeýi jáne qarjylyq qıyndyqtarǵa baılanysty daǵdarysty bastan keshirip jatqany habarlanǵan. 

Aıta ketelik Túrik avıakompanııalary shydamsyz jolaýshylarǵa aıyppul salatyny týraly jazǵan edik.