AQSh: Atlantada er adam dári bermegeni úshin medıtsına ortalyǵynda atys shyǵardy
ASTANA. QazAqparat - AQSh-tyń Atlanta qalasynda er adam dári bermegeni úshin medıtsına ortalyǵynda atys shyǵardy. Kúdikti qamaýǵa alyndy. Anasynyń aıtýynsha, oǵan depressııamen kúresý úshin «Atıvan» preparatyn taǵaıyndaýdan bas tartqan, dep habarlaıdy QazAqparat Euronews-ke silteme jasap.
Atlanta polıtsııasy qalanyń iskerlik ortalyǵyndaǵy medıtsınalyq ortalyqtyń kútý zalynda oq jaýdyrǵan adamdy tutqyndady. Atys saldarynan bir adam qaza taýyp, taǵy tórteýi aýrýhanada aýyr jaǵdaıda jatyr.
Kúdikti oq jaýdyrǵannan keıin izin jasyrǵan. Ol 24 jastaǵy Deımon Patterson bolyp shyqty.
Anasynyń aıtýynsha, onyń uly burynǵy jaǵalaý kúzetiniń qyzmetkeri, ardagerler isteri jónindegi Densaýlyq saqtaý mınıstrliginen alǵan dári-dármekterden keıin psıhıkalyq turaqsyzdyqqa ushyraǵan. Ol ulynyń mazasyzdyq pen depressııamen kúresý úshin «Atıvan» preparatyn qabyldaǵysy keletinin, biraq táýeldilik qaýpine baılanysty oǵan preparat berilmegenin aıtty.
Onyń anasy - medbıke. Ol ulynyń dári qabyldaýyn qadaǵalaýǵa ýáde berdi.
