AQSh ÁTK eki apta ishinde «Trýmen» avıatasymaldaýshy kemesinde ekinshi ushaǵynan aıyryldy

ASTANA. KAZINFORM — Ushaq Qyzyl teńizde ornalasqan áýe tasymaldaǵyshyna qonýǵa árekettengen kezde qulap ketken, ushqyshtar jeńil jaraqat aldy, dep habarlaıdy The New York Times. 

AQSh ÁÁK Ortalyq qolbasshylyǵynyń málimetinshe, joıǵysh ushaq seısenbi kúni «USS Harry S. Truman» áýe tasymaldaǵyshyna qoný kezinde palýbada toqtaýyna kómektesetin ushaqtyń tejeý júıesi isten shyǵyp, «ushaqtyń borttan qulaýyna sebep boldy».

Quny keminde 67 mln dollar bolatyn F/A-18 °F Super Hornet joıǵyshy bortyndaǵy ushqysh jáne qarýlaný júıeleri jónindegi ofıtser aman qalyp, jeńil jaraqat alǵan.

avıatasymaldaýshy kemeden qulaǵannan keıin boldy. Ol kezde keme hýsıtterdiń zymyrandary men drondarynan tóngen qaýipke qarsy tıimdi pozıtsııany tańdaýǵa tyrysyp, manevr jasap jatqan edi.

Seısenbi kúni Amerıka Qurama Shtattary men Iemendegi hýsıtter amerıkandyq ushaqtar tobyna áýe shabýyldaryn toqtatý týraly kelisimge keldi. Bul kelisim hýsıtter Qyzyl teńizdegi amerıkalyq kemelerge shabýyldaryn toqtatýǵa keliskennen keıin júzege asty.

Pentagon seısenbi kúngi joıǵysh ushaqtyń joǵalý oqıǵasy tekserilip jatqanyn, soǵan qaramastan «avıatasymaldaýshy soqqy jasaý toby tolyq jaýyngerlik qabiletin saqtap otyrǵanyn» habarlady.

Joǵalǵan eki ushaqtan bólek, ótken jyldyń qyrkúıeginde avıatasymaldaýshy keme Taıaý Shyǵysqa jiberilgeli beri taǵy eki oqıǵa tirkelgen.

Aqpanda keme Mysyrdyń Port-Saıd qalasynyń mańynda saýda kemesimen soqtyǵysyp, eki keme de zaqym aldy. Al jeltoqsan aıynda «USS Harry S. Truman» avıatasymaldaýshy kemesinen ushyp shyqqan F/A-18F Super Hornet joıǵyshyn ony alyp júrgen «U.S.S. Gettysburg» zymyran kreıseri qatelesip atyp túsirdi. Ushaqtaǵy eki adam qutqaryldy.

Aıta ketelik AQSh Federaldyq qor júıesi stagflıatsııa týraly eskertken edi.