AQSh astronavty ǵaryshtan Qazaqstandy Táýelsizdik kúnimen quttyqtady

NUR-SULTAN. QazAqparat - NASA astronavty Mark Vande Haı Halyqaralyq ǵarysh stansasynyń (HǴS) bortynan Qazaqstan Respýblıkasyn Táýelsizdiktiń 30 jyldyǵymen, sondaı-aq AQSh-pen dostyqtyń 30 jyldyǵymen quttyqtady, dep habarlaıdy QazAqparat tilshisi.

«Men óz atymnan jáne ekıpajymnyń atymnan Qazaqstandy Táýelsizdiktiń 30 jyldyǵymen, sondaı-aq Qazaqstan-Amerıka qarym-qatynasynyń 30 jyldyǵymen quttyqtaımyn», - dep atap ótti Mark Vande Haı HǴS-taǵy borttan.

Sondaı-aq ol 30 jyl buryn Qurama Shtattardyń Qazaqstannyń táýelsizdigin moıyndaǵan alǵashqy elderdiń biri ekenin atap ótti. Sodan beri eki el barlyq salalarda, sonyń ishinde ǵaryshty meńgerýde tyǵyz qarym-qatynas pen yntymaqtastyq ornatty.
«Maǵan Qazaqstandaǵy Baıqońyr ǵarysh aılaǵynan osy úlken orbıtalyq zerthanaǵa eki ret ushý baǵy buıyrdy. Qazaqstannyń qoldaýynyń arqasynda mańyzdy jumysty jalǵastyryp jatyrmyz», - dedi NASA astronavty.