AQSh astanasynyń turǵyndaryna marıhýana ósirýge ruqsat berildi
ASTANA. QazAqparat - AQSh astanasy Vashıngton (Kolýmbııa okrýgi) men Oregon shtatynyń turǵyndary marıhýanany ósirý jáne saqtaýdy zańdastyrý úshin daýys berdi, dep habarlady sársenbi kúni CNN.
Vashıngton qalasynda 21 jastan asqan tulǵalarǵa jeke paıdalaný úshin eki ýntsııaǵa deıin (56,7 gramm) marıhýanany saqtaýǵa jáne bul ósimdiktiń alty danasyn ósirýge ruqsat etilgen. Marıhýanany satýǵa tyıym salynǵan, degenmen turǵyndar bir ýntsııany basqa adamdarǵa bere alady.
Jergilikti turǵyndardyń erik bildirýine qaramastan Vashıngtonda marıhýanany ósirýdi zańdastyrý sheshimine sońǵy núkte qoıylǵan joq. Kolýmbııa okrýginiń basqa shtattarǵa qaraǵanda erekshe mártebege ıe bolǵandyǵynan AQSh Kongresi bul bastamany maquldamaýy múmkin. Keıbir zań shyǵarýshylar qazirdiń ózinde dál osylaı jasaıtyndaryn bildirip te úlgerdi.
