AQSh Astanadaǵy Sırııa máselesi boıynsha kelissózderdi baqylaýdy kúsheıtýge múddeli - QR SІM

ASTANA. QazAqparat - QR Syrtqy ister vıtse-mınıstri Muxtar Tileýberdiniń aıtýynsha, Amerıka Qurama Shtattary Astanadaǵy Sırııa máselesi jónindegi kelissózderge qatysýyn kúsheıtýdi kózdep otyr, dep xabarlaıdy QazAqparat tilshisi.

"Astanadaǵy kelissózderdiń negizgi ýaqyty mamyrdyń 3-4-i kúnderi dep belgilenip otyr. Barlyq delegatsııalardyń dárejesi joǵary, barlyǵy kelissózderge qatysatyndaryn rastady. Oǵan qosa, AQSh baqylaýshy retinde qatysady. Sáýirdiń 28-i kúni Nıý-Iorkte bizdiń mınıstrimiz Ábdiraxmanov myrza Tıllerspen kezdesken bolatyn. Sol kezde AQSh-tyń memlekettik xatshysy Astanadaǵy kelissózderge qatysýlaryn kúsheıtýge múddeli ekenin jetkizdi. Bul degenimiz, olar baqylaýshy qyzmetterin kúsheıtedi. Bizdiń josparymyzǵa sáıkes, memlekettik xatshynyń Taıaý Shyǵys máseleleri jónindegi kómekshisi keledi. Sony kútip otyrmyz", - dedi Tileýberdıev búgin Úkimet otyrysy aıasynda jýrnalısterge bergen suxbatynda.

Onyń aıtýynsha, Sırııadaǵy qarýly oppozıtsııanyń ókilderi de birer saǵatta kelýi tıis. Astanadaǵy kelissózderge qarýly oppozıtsııanyń 16 ókili qatysady degen boljam bar.