AQSh aspanynda eki ushaq soqtyǵysty
ASTANA. QazAqparat - Amerıkanyń Nıý-Iork shtatynda jeńil motorly ushaqtar soqtyǵysty.
Áýe apaty saldarynan úsh adam kóz jumdy. Bul týraly Rosbalt habarlady.
Piper Cherokee jáne Cessna 140 ushaqtarynyń qatysýymen bolǵan oqıǵa jeksenbi kúni Nort-Kollıns eldi-mekeni mańynda oryn aldy.
Jergilikti bılik ókilderiniń málimetinshe, áýe kemeleri avtojoldar qıylysyna jaqyn jerge, egistik alqabyna qulaǵan. 60 jastaǵy er adam men 69 jastaǵy erli-zaıyptylardyń ólimine alyp kelgen soqtyǵysýdyń sebepteri qazir anyqtalý ústinde.
