AQSh áskerıleri teńiz betinde 5 aıdan beri adasyp júrgen eki áıeldi qutqardy
ASTANA. QazAqparat - AQSh-tyń áskerı teńiz kúshteri baǵytynan adasyp, 5 aıdan beri ashyq teńizde júzip júrgen eki áıeldi qutqardy, dep habarlady ABC News telearnasy.
Telearnanyń habarlaýynsha, qasynda ıtterin ertken eki áıel ıahtalarymen Gavaı araldarynan Gaıtıge jetpek bolyp ashyq teńizge shyqqan. Jol boıynda baǵytynan jańylǵan olardy AQSh teńiz kúshteriniń «Ashlend» desant kemesi qutqaryp qaldy.
Keıin málim bolǵanyndaı, Djennıfer Appel men Tasha Fýaba mamyr aıynda Taıtıge óz betterinshe sapar shekpekshi bolǵan. Alaıda teńizde daýyl soǵyp, kemeniń qozǵaltqyshy isten shyqqan. Al, kúshti jel olardy ashyq teńizge alyp ketken. Sóıtip, ashyq teńizdiń ortasynda olarǵa kómek kórsetetin eshbir keme jolyqpaǵan.
Abyroı bolǵanda saıahatshylar mingen ıahtada uzaqqa saqtalatyn taǵamdar óte mol bolǵan. Olardy áskerıler qutqaratyn kezde ıahta japon araldaryna jaqyndap qalǵan eken.
«Olar bizdi qutqardy. Alystan kemeni kórgen bizdiń qýanyshtan júregimiz jarylyp kete jazdady»,-deıdi qutqarylǵan áıelderdiń biri.
