AQSh áskerı ushaǵy Jerorta teńizi aımaǵynda apatqa ushyrady

Izraıldiń HAMAS-qa qarsy operatsııasy bastalǵannan keıin AQSh aımaqqa áskerı kúshterin jıi jibere bastady. Onyń qatarynda USS Gerald Ford ushaq tasymaldaǵyshy da bar. Kazinform bul týraly DW jańalyqtaryna silteme jasap habarlaıdy. 

AQSh-tyń eýropalyq qolbasshylyǵy senbi kúni 11 qarashada Amerıkanyń áskerı ushaǵy Jerorta teńiziniń shyǵysynda oqý-jattyǵý jumystary kezinde «buzylý saldarynan» apatqa ushyrady.

Apatqa ushyraǵan ushaqtyń túri, sondaı-aq onyń ekıpajy týraly málimetter berilgen joq.

«Zardap shekken otbasylarǵa qurmet retinde biz qazirgi ýaqytta oqıǵadan zardap shekken azamattar týraly qosymsha aqparatty jarııalamaımyz», - delingen Eucom baspasóz habarlamasynda.

Qazir apattyń sebebi anyqtalyp jatyr.

«Alaıda ushaqtyń ushyp shyǵýy tek oqý-jattyǵýǵa baılanysty boldy jáne «jaý belsendiligi» belgileri joq dep naqty aıta alamyz», - delingen habarlamada.