AQSh Áskerı-teńiz kúshteriniń eki kemesi Tynyq muhıtynda soqtyǵysyp qaldy

Bul týraly Associated Press-ke silteme jasap, RosBıznesKonsaltıng habarlaıdy.

Oqıǵa 16 mamyr kúni Kalıfornııa jaǵalaýynyń ońtústigine qaraı 190 shaqyrym jerde boldy. «Esseks» ámbebap desanttyq keme men «ıÝkon» maı quıýshy-tankeri soqtyǵysty, kemeniń ekeýi de AQSh ÁTK-niń úshinshi flotynyń ıeliginde.

Soqtyǵysý saldarynan eki kemege de bolmashy zaqym keldi, zardap shekkender joq. Soqqydan janarmaıdyń syrtqa aǵýy oryn alǵan joq.

AQSh Qorǵanys mınıstrliginiń ókilderi soqtyǵysý «Essekstiń» basqarý júıesindegi aqaýlyqtardan bolǵanyn málimdedi. «Esseks» ámbebap desanttyq kemesi 12 jyldyq qyzmetten keıin japondyq Sasebo portynan San-Dıegoǵa jol júrgen bolatyn.

«Esseks» ámbebap desanttyq kemesi Wasp tıpti keme bolyp tabylady. Bul serııadaǵy kemeler qurlyqtaǵy áskerlerdi túsirý úshin jobalanǵan jáne bul tıp boıynsha álemdegi iri keme. Uzyndyǵy - 260 metr.