AQSh áskerı operatsııalardy qarjylandyrýdy jalǵastyrady
ASTANA. 14 mamyr. QazAqparat - AQSh-tyń joǵary qarjy zárýligi Amerıka Qurama Shtattarynyń shetelderdegi áskerı operatsııalaryn qarjylandyrýdy jalǵastyrýǵa eshqandaı da kedergi jasamaıdy,
dep habarlaıdy Birtutas Reseı portaly.
«Ókilder palatasy tek keshe ǵana shet elderdegi operatsııaǵa, basqasha aıtqanda, Irak pen Aýǵanstanǵa 118 mıllıard dollar (2012 jylǵy qarjy jyly) bóldi. Lıvııa jaǵdaıynda... qazirgi ýaqytta biz 750 mıllıon dollar jumsadyq, biraq, biz bul qarajatty tabamyz. Bizdiń sheteldik operatsııalarǵa keletin bolsaq, bizdiń eldiń bıýdjet máselelerine jáne bıýdjet zárýligine bunyń eshqandaı da áseri bolmaıdy», - dep málimdedi Qorǵanys mınıstri Robert Geıts.
Onyń túsindirýinshe, shet elderdegi operatsııalarǵa ketetin aqsha shyǵyndary ózge bólek qordan tólenetin kórinedi. 2011 jylǵy qarjy jylynyń qorytyndysy boıynsha AQSh bıýdjet tapshylyǵy, boljam boıynsha, 1,5 trıllıon dollardy quraıdy.
