AQSh áskerı bazasy Bishkektegi qyzmetin toqtata bastady
BІShKEK. QazAqparat - Qyrǵyzstanda AQSh áskerı-áýe bazasyndaǵy «Manas» tranzıttik tasymaldaý ortalyǵy (TTO) yntymaqtastyq jáne qaýipsizdik bólimin resmı túrde japty.
TTO jurtshylyqpen baılanys bóliminiń basshysy Maks Dıspeın habarlaǵandaı, Bishkektiń halyqaralyq áýejaıynda AQSh ÁÁQ otyn-maı quıý ushaǵyn sońǵy ret qondyrdy. Endi Aýǵanstanǵa ushatyn ushaqqa maı quıý toqtatyldy. Budan bylaı Qyrǵyzstandaǵy áskerı bazaǵa kerek-jaraqpen jabdyqtaý jáne demalý úshin Aýǵanstannan AQSh-qa bara jatqan ushaqtar ǵana qonady.
M. Dıspeınniń aıtýynsha, 6 naýryzdan bastap TTO shatyrlary birtindep jınala bastaıdy. AQSh bazasy Qyrǵyzstan aýmaǵynan 2014 jylǵy 11 maýsymǵa deıin kóship bolýy tıis. «Manastyń» ornyna AQSh Rýmynııa aýmaǵyndaǵy bazany paıdalanbaq.
