AQSh áskeri Aýǵanstannan merziminen erte ketýi yqtımal
ASTANA. 9 shilde. QazAqparat - Amerıkalyq áskerı kontıngent Aýǵanstannan 2014 jyldyń sońyna qaraı josparlanǵan merzimnen erte ketýi yqtımal.
Mundaı múmkindikti AQSh-tyń baspasózi joqqa shyǵarmaıdy. The New York Times habarlaǵandaı, Vashıngtondaǵy úkimet atalmysh ortalyqazııalyq memleketten áskerdi shyǵarý tártibin jedeldetý máselesin shyndap qarastyrýda.
Basylymnyń málimetterine súıensek, mundaı asyǵystyqqa AQSh prezıdenti Barak Obama men aýǵan kóshbasshysy Hamıd Karzaıdyń arasyndaǵy qarym-qatynastyń nasharlaýy áser etken kórinedi. Buǵan deıin, 2014 jyldyń aqpanyna qaraı Aýǵanstandaǵy 63 myń amerıkalyq áskerılerdiń 34 myńy úıine oralady, qalǵan kúshter jyldyń sońyna deıin shyǵarylady dep josparlanǵan bolatyn.
Basylymnyń aqparyna qaraǵanda endi jaǵdaı ózgerdi jáne Obama «nóldik nusqany» qarastyrýda. Oǵan sáıkes jyl sońyna deıin Aýǵanstan aýmaǵynda birde-bir amerıkalyq sarbaz qalmaıdy, dep jazady ITAR-TASS.
