AQSh áskeri Aýǵanstandaǵy qyzmetin toqtatty
ASTANA. QazAqparat - Jeksenbi kúni tańerteń AQSh áskeri resmı túrde Aýǵanstan aýmaǵyndaǵy áskerı mindetin aıaqtady, dep jazady 24.kz.
Osyǵan deıin Ulybrıtanııa da atalǵan jerden óz áskeriniń qyzmetin toqtatqany jóninde habarlaǵan.
Reuters agenttiginiń jazýynsha, odaqtastar turaqtap kelgen Camp Leatherneck pen Camp Bastion áskerı bazalaryn jergilikti qarýly kúshterdiń ıeligine tapsyrǵan. Endi amerıkalyq jáne brıtandyq sarbazdar sońǵy tuıaǵyna deıin qalmaı ushaqpen elderine jóneltiledi.
Ne degenmen, qos eldiń jaýyngerleri aýǵan jerinde attaı 13 jyl bolyp keldi. Osy jyldar boıy barlyǵy 940 sarbaz baqılyq bolsa, sonyń 360-y amerıkalyqtar eken.
Óz kezeginde AQSh sheneýnikteri Irakqa qaraǵanda Aýǵanstannan ásker shyǵarýdyń áldeqaıda aýyr ekenin alǵa tartady. Óıtkeni el aýmaǵynan osy ýaqytqa deıin jınalyp qalǵan áskerı jabdyqtar men qarý-jaraqtardy alyp ketý ońaı sharýa emes. Alaıda kelisim qujattaryna sáıkes, qarý-jaraq pen oq-dáriniń jartysy aýǵan sarbazdaryna qaldyrylmaqshy.
Sondaı-aq, quny 230 mln. AQSh dollary bolatyn strategııalyq nysandar men 34 mln. AQSh dollarynyń shtab-páteri aýǵan kúshteriniń menshiginde qalatyn bolyp sheshildi.
