AQSh áskeri Aýǵanstanda áli kem degende 10 jyl bolady
ASTANA. QazAqparat - Amerıkanyń áskerı kontıngenti Aýǵanstanda áli kem degende 10 jyl ornalasatyn bolady. Bul týraly AQSh Kongresi Senatynyń Syrtqy ister jónindegi komıtetiniń tóraǵasy Bob Korker málim etti, dep habarlaıdy TASS agenttigi.
Bul rette, ol AQSh áskeri mıssııasynyń Aýǵanstanda bolýynyń maqsaty men mindeti úlken mańyzǵa ıe ekendigin atap ótti. «Biz kelesi qadamymyzda saq bolýymyz qajet», - dep eskertti senator. Onyń paıymynsha, Kabýldaǵy bılikti kúsheıtýdiń jáne Aýǵanstan taǵdyry úshin jaýapkershilikti ózderine tapsyrýdyń joldaryn izdestirý kerek.
AQSh qyrkúıek aıynda Aýǵanstanǵa qosymsha 3 myńnan astam áskerı qyzmetshini attandyrý sheshimin qabyldady. Osylaısha, jýyq arada Amerıkanyń aýǵan elindegi áskerı kontıngentiniń sany 14 myń adamǵa jýyqtamaq.
AQSh Aýǵanstandaǵy atalmysh áskerı operatsııany 2001 jyldyń kúzinde bastaǵan bolatyn. 2011 jyly Aýǵanstandaǵy amerıkalyq áskerılerdiń sany 101 myń adamdy qurady. Osy ýaqytqa deıin AQSh-tyń 2 myńnan astam áskerı qyzmetshisi qaza bolyp, 17 myńy jaralandy.
