AQSh áskeri 40 myń adamǵa qysqarmaq
ASTANA. QazAqparat - Pentagon taıaýdaǵy 2 jyl ishinde 40 myń sarbaz ben áskerılerin qysqartpaqshy.
Osylaısha, 2017 jylǵa qaraı AQSh armııasynyń shtattyq quramy shamamen 450 myń áskerdi quramaq dep habarlady USA Today. Buǵan qosa Pentagon áskerı salalarda qyzmet jasaıtyn 17 myń azamattyq mamandardy qosa qysqartpaq nıette. Eger bıylǵy qazan aıynda jańa qarjylyq kezeńge qaraı kezekti bıýdjet qysqartýlary júretin bolsa, onda eldiń qarýly kúshteri taǵy 30 myń adamynan aıyrylmaq. Sóıtip qysqartýlar nátıjesinde derjava qorǵanysyndaǵy ásker sany 1940 jyldan bergi eń tómengi kórsetkishke ıe bolmaq. Ekinshi dúnıejúzilik soǵys tusynda el áskeri 270 myńdy quraǵan eken. Al Irak pen Aýǵanstandaǵy áskerı qaqtyǵystar órship turǵan 2012 jyldary AQSh armııasyndaǵy ásker sany tipti 570 myńǵa jetken. Qazir 10 myńǵa tarta jaýynger áli kúnge deıin aýǵan jerinde júr. Olardy 2016 jyldyń sońyna deıin birtindep shyǵarý kózdelip otyr. Radıkaldy toptarmen kúres maqsatynda 3,5 myń sarbaz Irakta qyzmet kórsetip jatyr, dep jazady 24.kz.
