AQSh áskeri Sırııadan ketti
ASTANA. KAZINFORM - Sırııa bıligi buǵan deıin amerıkalyq kúshter ornalasqan barlyq áskerı bazany óz baqylaýyna aldy. Sońǵy áskerı kolonna Haseke provıntsııasyndaǵy Kasrak áýe bazasynan shyqty, dep habarlaıdy Aljazeera.
Osylaısha AQSh-tyń 2014 jyldan beri jalǵasyp kele jatqan áskerı ıssııasy aıaqtaldy.
Nysandardy tapsyrý úderisi Vashıngtonmen kelisilgen. Bul protsess qarasha aıynda Sırııa prezıdenti Ahmed ash-Sharaa men AQSh basshysy Donald Tramptyń kezdesýinen keıin jedeldeı túsken.
Kúrdterdiń SDF qarýly qurylymdary endi ulttyq armııa quramyna biriktirilmek. Damask Haseke men Kamyshly qalalaryna, sondaı-aq shekaralyq aımaqtarǵa baqylaýdy qaıta ornatty.
Irandy qoldaýshy toptardyń shabýylynan saqtaný úshin amerıkalyq áskerler Irak arqyly emes, Iordanııa baǵytymen shyǵarylǵan.
Osyǵan deıin AQSh áskeri Sırııadaǵy eń iri bazasynan shyǵarylyp jatqany týraly jazdyq.