AQSh áskeri Sırııadaǵy eń iri bazasynan shyǵarylyp jatyr
ASTANA.KAZINFORM – Sırııanyń Hasaka provıntsııasynda ornalasqan Kasraktaǵy AQSh-tyń iri áskerı bazasynan sarbazdardy shyǵarý jumystary bastaldy. Bul jumystary birneshe aptaǵa sozylýy múmkin dep jazady «Armenpress» Al Jazeera telearansyna silteme jasap.
Telearna tilshisiniń málimetinshe, áskerıler Irak Kúrdistanyna baǵyttalyp jatr. Daıyndyq kezeńinde Hasakadaǵy «Ál-Shaddadı» bazasy men Deır-ez-Zor provıntsııasyndaǵy «Ál-Omar» aerodromynan ondaǵan áskerı tehnıka men sarbaz Kasrakqa kóshirilgen.
AQSh áskeri «Ál-Shaddadı» bazasyndaǵy mıssııasyn 10 kúnnen astam ýaqytqa sozylǵan operatsııadan keıin tolyq aıaqtady. Keıin nysan Vashıngtonmen tikeleı kelisim negizinde Sırııa armııasynyń baqylaýyna ótti.
Buǵan deıin amerıkalyq kúshter Al-Tanf bazasynan da shyǵarylǵan edi. Ol Iordanııa jáne Irak shekarasyna jaqyn ornalasqan. Qazirgi tańda amerıkalyq jáne halyqaralyq koalıtsııa kúshteri Hasaka provıntsııasynyń soltústik-shyǵysyndaǵy, Rmılan qalasyna taıaý Harab ál-Djır bazasynda ǵana qalyp otyr.
Buǵan deıin AQSh resmı tulǵalary Sırııa aýmaǵynan shamamen 1000 áskerı qyzmetkerdi shyǵarý jospary bar ekenin rastaǵan.
Osyǵan deıin AQSh-tyń Sırııadan barlyq áskerin shyǵarýdy josparlap otyrǵany týraly jazdyq.