AQSh áskeri Gaza sektory jaǵalaýynda pırs salýdy aıaqtady
ASTANA. KAZINFORM – Beısenbide AQSh áskeri Gaza sektory úshin qalqymaly pırs ornatýdy aıaqtap, anklavqa qajet gýmanıtarlyq kómekti tasymaldaýdy bastaýǵa daıyn ekenin málimdedi. Bul týraly Timesofisrael jazdy.
AQSh áskeri beısenbi kúni jergilikti ýaqyt boıynsha tańǵy saǵat 7:40-ta pırske zákir qoıdy. Bul týraly Qarýly kúshterdiń ortalyq qolbasshylyǵynyń málimdemesinde aıtyldy.
Jaǵalaýǵa jaqyn kúnderi gýmanıtarlyq kómek jetkizile bastaýy tıis.
Sáýir aıynyń sońynda AQSh áskeri Gaza sektory jaǵalaýynda teńiz pırsterin salýǵa kiriskeni habarlanǵan bolatyn.
Today at approximately 7:40 a.m. (Gaza time) United States Central Command personnel supporting the humanitarian mission to deliver additional humanitarian aid to Palestinian civilians in need anchored a temporary pier to the beach in Gaza. As part of this effort, no U.S. troops… pic.twitter.com/048seMnkLJ
— U.S. Central Command (@CENTCOM) May 16, 2024
Kıprden Gaza sektoryna kómek jetkizýdi kózdeıtin teńiz jolynyń maqsaty – Izraıl áskeri men palestınalyq HAMAS toby arasyndaǵy 7 aıdan astam qyzý shaıqas kezinde anklavqa keletin kómek kólemin arttyrý.
Kemeler gýmanıtarlyq kómekti Gaza qalasynyń ońtústik-batysyndaǵy portqa jetkizedi. Oǵan BUU-nyń qandaı agenttigi qatysatyny ázirge belgisiz.
Buǵan deıin AQSh soǵys aımaǵyna jaqyn jerde áreket etý qaýpin moıyndaǵanymen, amerıkalyq áskerıler Gaza sektoryna kirmeıtinin birneshe ret málimdegen bolatyn.
Pentagon sheneýnikteri Gaza sektoryndaǵy shaıqastardyń jańa jaǵalaýdaǵy kómek taratý aımaǵyna qaýip tóndirmeıtinin aıtty, biraq olar qaýipsizdik máseleleri muqııat qadaǵalanatynyn jáne teńiz jolynyń ýaqytsha bolsa da jabylýyna ákelýi múmkin ekenin jetkizdi.
