AQSh ashyq chempıonatynda Anna Danılına ekinshi aınalymǵa shyqty
NUR-SULTAN. QazAqparat – Qazaqstannyń juptyq syndaǵy birinshi, álemniń 19-raketkasy Anna Danılına AQSh ashyq chempıonatynyń ekinshi aınalymyna shyqty, dep habarlaıdy QazAqparat tilshisi.
A.Danılına brazılııalyq Beatrıs Haddad Maııamen birge alǵashqy aınalymda serbııalyq Aleksandra Krýnıch – Polsha ókili Magda Lınetpen oınady.
Qazaqstandyq-brazılııalyq dýet 6:2, 7:6 (7:4) esebimen basym tústi.
Bir saǵat 22 mınýtqa sozylǵan báseke barysynda olar 3 eıs jasap, 7 breık-poınttyń úsheýin paıdalandy. Qarsylastary 2 eıs, 1 breıkten asa almady.
Anna Danılına men Beatrıs Haddad Maııa ekinshi aınalymda ıspanııalyq Alena Bolshova – norvegııalyq Ýlrıkke Eıkerımen synǵa túsedi.
Elena Rybakınanyń juptyq synda da joly bolmady. Ol ýkraınalyq Angelına Kalınınamen birge óner kórsetýi kerek edi. Alaıda aýyryp qalǵan A.Kalınına týrnırge qatysa almady. E.Rybakına men A.Kalınınany amerıkalyqtar Ketrın Harrıson – Ingrıd Nıl almastyrady.
Eske sala keteıik, budan buryn tennısshi Jibek Qulambaevanyń Almatydaǵy halyqaralyq týrnırdiń jartylaı fınalyna shyqqanyn jazǵan bolatynbyz.
AQSh ashyq chempıonatynda ıÝlııa Pýtıntseva jarys jolynan shyǵyp qaldy.
Foto: ktf.kz
