AQSh armııasynda áıelder erlermen birdeı áskerı daıyndyqtan ótedi

ASTANA. KAZINFORM — AQSh Qorǵanys mınıstri Pıt Hegset armııadaǵy áıelderdiń tıimdiligin tekserýdi josparlap otyr, dep habarlaıdy BILD.

Bul tekserýdi Qorǵanys saraptama ınstıtýty (IDA) júrgizedi, dep habarlady seısenbi kúni Pentagon ókili Kıngslı Ýılson.

Ýılsonnyń aıtýynsha, áskerıler arasynda birkelki jáne genderlik beıtarap standarttar saqtalýy tıis, óıtkeni «rıýkzaktyń nemese adamnyń salmaǵy er men áıelder úshin birdeı».

Pentagon daıyndyq deńgeıin tómendetpeıdi eshqandaı kvotalar nemese ıdeologııalyq talaptar úshin standart ózgertilmeıdi.

NPR telearnasynyń málimetinshe, tekserý alty aıǵa josparlanǵan.

Ótken jyly Hegset jańa armııalyq normalardy jarııalady.

— Er azamat deńgeıindegi fızıkalyq standarttarǵa saı kelmeıtinder áskerı qyzmette basqa pozıtsııa nemese jańa mamandyq izdeýi tıis. Keıbir jaýyngerlik mamandyqtar standarttary áıelderge saı kelmese, bul ózgermeıdi, — dedi mınıstr. 

Degenmen, taza erler quramynda bolatyn bólimder maqsat emes, biraq múmkin bolatyn nátıje dep atap ótti.

Synshylardyń pikirinshe, qazirdiń ózinde AQSh-tyń jaýyngerlik bólimderinde erler men áıelderge birdeı talaptar qoıylady. Alaıda Hegset standarttardy sonshalyqty joǵarylatýdy josparlap otyr, bul fızıkalyq aıyrmashylyqtarǵa baılanysty áıelder úshin qol jetpeıtin bolýy múmkin.

Mysaly, Navy Seals sııaqty elıtalyq bólimderde áli bir áıel de óte qatal irikteýden ótpegen.

Qazirgi tańda AQSh áskerinde áıelder shamamen 18%, bul joǵary kórsetkish. Salystyrý úshin, Germanııa armııasynda áıelder tek 13% ǵana. Túrkııadan basqa, NATO elderiniń barlyq armııasynda áıelder áskerı qyzmetke qabyldanady. 

Aıta ketelik AQSh áskerıleri Grenlandııany satyp alýy múmkin ekenin jazǵan edik.