AQSh, Armenııa jáne Ázerbaıjan TRIPP jobasyn iske asyratyn tehnıkalyq josparlaý toptaryn qurdy
EREVAN. KAZINFORM — AQSh, Armenııa jáne Ázerbaıjan «Halyqaralyq beıbitshilik pen órkendeý jolyndaǵy Tramp baǵyty» (TRIPP) jobasyn ilgeriletý maqsatynda úshjaqty tehnıkalyq josparlaý toptaryn qurdy, dep habarlaıdy Kazinform agenttiginiń Erevandaǵy menshikti tilshisi.
Atalǵan format aıasynda úsh eldiń jaýapty vedomstvo ókilderi men sarapshylary óńirdegi turaqtylyqty, ekonomıkalyq ósimdi qamtamasyz etýge baǵyttalǵan usynystardy zerdeleıdi. Ásirese, kólik qatynasy men elektr jelilerin salý máselelerine basymdyq beriledi.
— Tehnıkalyq josparlaý toptarynyń qurylýy kúrdeli máselelerdi sheshýge jáne jobany júzege asyrýdyń kelesi kezeńderine kóshýge múmkindik beretin mańyzdy qadam sanalady. Sondaı-aq TRIPP dálizin óńirdegi basqa da ınfraqurylymdyq jelilermen baılanystyrý múmkindigi qarastyrylady, — delingen Armenııanyń Syrtqy ister mınıstrligi taratqan habarlamada.
Eske salaıyq, taıaýda Armenııa premer-mınıstri Nıkol Pashınıan TRIPP jobasyn júze asyrý aımaqtaǵy ózara kólik baılanysyn tolyq qamtamasyz etýge múmkindik beretinin aıtty.
Munymen birge taıaýda Armenııa men AQSh TRIPP jobasy aıasynda birlesken kompanııa qurýǵa nıetti ekenin jazyp edik.
