AQSh apellıatsııalyq soty Qazaqstannyń paıdasyna shyǵarylǵan Hrapýnovtarǵa qatysty sheshimdi qaıta qaraýdan bas tartty
ASTANA. QazAqparat - AQSh-tyń Toǵyzynshy okrýgi boıynsha Apellıatsııalyq soty 2017 jylǵy 30 naýryzda Qazaqstan Respýblıkasy jáne Almaty qalasy ákimdiginiń paıdasyna shyǵarylǵan sheshimmen aıaqtalǵan apellıatsııalyq protsesti qaıta qaraý týraly Vıktor Hrapýnov, onyń otbasy músheleri jáne olardyń kompanııalarynyń ótinishin qabyldamaı tastady.
Bul týraly QR Ádilet mınıstrliginiń baspsóz qyzmeti habarlady.
Endi Almaty qalasynyń azamattyq talap aryzdary Kalıfornııa shtatynyń Okrýgtik sotynda qaralatyn bolady. Atalǵan talap-aryzdarǵa sáıkes jaýapkerler Bopsalaýmen jáne jemqorlyqpen kúres týraly AQSh zańyn buzý, Almaty qalasy turǵyndarynyń múddelerine jáne paıdasyna qyzmet etý jónindegi mindetti buzý, bireýdiń menshigin zańsyz ıemdený jáne osy maqsatta qylmystyq kelisimge túskendigi úshin aıyptalyp otyr.
Okrýgtik sotta Hrapýnovtar jáne olardyń kompanııalarynyń qylmystyq jolmen alǵan aqshany paıdalana otyryp, Kalıfornııada jyljymaıtyn múlik jáne qymbat kólikterdi menshikke alǵandyǵy týraly dáleldemeler usynylatyn bolady.
Almaty qalasynyń múddelerin bildirýdi Latham&Watkins LLP (AQSh) zań konsýltantymen birlese otyryp QR Ádilet mınıstrligi júzege asyrady.
