AQSh: Antıkvarıat mamany qatelesip, oqýshy qyzdyń qoldan jasaǵan buıymyn 50 myń dollarǵa baǵalady
ASTANA. QazAqparat - Amerıkada antıkvarıat sarapshysy mektep sabaǵynda kúıiktastan jasalǵan qumyrany 50 myń dollarǵa baǵalap, ony Pıkasso jumystarymen teńestirdi. Bul týraly The Guardian habarlaıdy.
Mamyr aıynyń basynda Ońtústik Karolınanyń turǵyny Alvın Barr (Alvin Barr) sarapshylar qonaqtarǵa túrli antıkvarlyq zattardyń boljaldy baǵasyn anyqtaýǵa kómektesetin brıtandyq Antiques Roadshow teleshoýynyń amerıkandyq nusqasyna keldi.
Barrdyń aıtýynsha, Oregon shtatynda múlikti jappaı satý kezinde ol «balshyq, saban, qus qıymen» sylanǵan balshyq qumyraǵa nazar aýdardy. Onyń usqynsyz túrine qaramastan Barr bul zatty 300 dollarǵa satyp aldy.
Teleshoýǵa qatysqan baǵalaýshy Stıven L. Fletcher (Stephen L Fletcher) qumyranyń 19 ǵasyrdyń aıaǵynda jasalýy múmkin ekenin aıtyp, ony 30-dan 50 myń dollarǵa deıin baǵalady.
Alaıda jazba efırge shyqqan soń, Fletcher qatty qateleskenin bildi. Bul qumyranyń 1973 jyly mektepte kúıiktas zattardy qurý sabaǵynda jasalǵany anyqtaldy.
Bul týraly baǵdarlamany kórip otyrǵan Oregon turǵyny habarlaǵan. Ol bul qumyrany onyń Betsı Soýl (Betsy Soule) esimdi qurbysy jasaǵanyn aıtty. Soýl jergilikti gazetke bul qumyranyń 1973-1974 jyldar aralyǵynda jasaǵanyn aıtyp berdi.
Qate anyqtalǵan soń, Fletcher óz baǵalaýyn ózgertip, bul oqıǵanyń ol úshin «tanymdyq tájirıbe» bolǵanyn aıtty.
