AQSh: Antares operatory zymyrandy ushý kezindegi sátsizdikten keıin ózi jaryp jibergen
ASTANA. QazAqparat - Antares amerıkalyq zymyran-tasyǵyshyn jasap shyǵarýshy jáne operator ony ushyrý kezinde aqaý shyqqanyn baıqaǵannan keıin raketany ózi jaryp jibergen. Bul týraly CNN jazady.
«Olar Raketanyń eldi-meken aýmaǵyna qulaıtynyn túsingennen keıin ózin-ózi joıý júıesin iske qosqan», - dep habarlady NASA astronavty Mark Kellı.
Cygnus ǵaryshqa júk tasýshysyna tirkelgen Antares zymyran-tasyǵyshynyń apaty 28 qazan kúni keshke AQSh-tyń Vırdjınııa ǵarysh aılaǵynan ushyrý kezinde oryn aldy. Cygnus halyqaralyq ǵarysh stansasyna eki tonnadan astam júk: azyq-túlik, sonymen birge ǵylymı zertteýler úshin tehnıka men materıaldardy jetkizýi kerek edi. Ol HǴS-men 2 qarasha kúni túıisedi dep josparlanǵan bolatyn.
