AQSh amerıkalyqtardy Taıaý Shyǵystaǵy 10-nan astam elden dereý ketýge shaqyrdy
ASTANA. KAZINFORM – Dúısenbide AQSh Memlekettik departamenti Taıaý Shyǵysta turatyn amerıkalyqtardy kóliktiń barlyq qoljetimdi túrlerin paıdalanyp aımaqtan múmkindiginshe tezirek ketýge shaqyrdy. 7
Eskertý Bahreın, Mysyr, Iran, Irak, Izraıl, Iordanııa, Kýveıt, Lıvan, Oman, Qatar, Saýd Arabııasy, Sırııa, Birikken Arab Ámirlikteri, Iemen, Batys jaǵalaý jáne Gaza sektorynda júrgen amerıkalyqtar úshin jarııalandy.
AQSh Memlekettik hatshysynyń konsýldyq máseleler jónindegi kómekshisi Maýra Namdar bul elderde júrgen AQSh azamattary úshin eleýli qaýipsizdik qateri saqtalyp otyrǵanyn málimdedi.
Eske sala ketsek, Iranǵa qarsy áskerı operatsııanyń alǵashqy kúninde Memlekettik departament sheteldegi barlyq amerıkalyqtarǵa «jahandyq deńgeıdegi» eskertý jarııalady, bul Izraıl men Iran arasyndaǵy 12 kúndik qaqtyǵystan beri alǵashqy eskertý boldy, dep jazdy NBC News.
Memlekettik departament óziniń dıplomatııalyq qatysýy týraly aqparatty jarııalamaı otyr, sondyqtan Taıaý Shyǵysta qansha amerıkalyq azamat bar ekeni belgisiz.
Osyǵan deıin AQSh prezıdenti Tramp Iranǵa qarsy áskerı operatsııa qajet bolǵansha jalǵasatynyn málimdegenin jazdyq.
