AQSh Almatyda jańa konsýldyq turǵyzady
«Kelesi aptada Almaty qalasynyń ákimimen kezdesemin. Sebebi bizdiń jańa konsýldyq turǵyzsaq degen nıetimiz bar. Bul biz úshin óte mańyzdy, sebebi qyzmetkerlerimizdiń qaýipsizdigi, onyń ishinde jergilikti qyzmetkerler de bar - elshiniń basty mindeti. Qurylystyń ýaqyty jer telimine qatysty kelissózdi bekitýge tikeleı baılanysty», - dedi elshi qazaqstandyq jýrnalıstermen kezdesýde.
Onyń aıtýynsha, jańa ǵımarat qurylysy Vashıngtondaǵy protsedýralarǵa baılanysty, úsh jylǵa sozylýy múmkin. Almatydaǵy AQSh konsýldyǵy eki keńsede ornalasqan. Al bólek ǵımarattyń bolýy amerıkalyq zańnama talaptarynda kórsetilgen.
«Almatyda eki keńsemiz bar. Birinshiden, jer silkinisi bolǵan jaǵdaıda, qaýipsizdikpen qamtamasyz ete almaımyz. Jalpy, bizge artylǵan naqty qaýipsizdik erejeleri bar, biraq óz ǵımaratymyz bolmaǵandyqtan, bul talaptardy saqtaı almaı otyrmyz. Máselen, syrtqy qaqpa men elshiliktiń arasy 30 metr bolýy kerek. Bul - AQSh Kongresiniń talaby», - dep atap ótti Ý. Mozer.