AQSh: alqa bıler «Snaıperdiń» ólimi týraly isti qaraıdy
ASTANA. QazAqparat - AQSh-ta Tehas shtatynda soǵystan psıhıkalyq aýytqýshylyqtarmen oralyp, snaıper Krıs Kaıldy óltirgeni úshin aıyptalǵan burynǵy teńiz jaıaý áskeri Eddı Reı Rýttyń isi boıynsha úkim shyǵarýy tıis alqa bıler ant qabyldady.
Kaıldyń ómirbaıany boıynsha túsirilgen gollıvýdtyq «Snaıper» (American Sniper) fılmi álemdik kınoprokatta kórsetilip jatyr.
Kaıl men onyń dosy 2013 jylǵy aqpanda Tehastaǵy atys polıgonynda oqqa ushady.
Rýttyń qorǵaýshysy AQSh-ta Klınt Istvýd kınofılminiń prokaty aıaqtalǵanǵa deıin úkim shyǵarýdy toqtata turýdy surady.
Burynǵy teńiz jaıaý áskeri Krıs Kaıl Irakta tórt jyl jaýyngerlik issapary kezinde 160 terrorıstiń kózin joıǵan.
"Snaıper" fılmi AQSh ekranyna shyqqan alǵashqy demalys kúnderi 90 mln. dollar kassalyq túsim jınaǵan. Ol sondaı-aq alty atalym boıynsha «Oskarǵa» usynyldy.
