AQSh álemdegi alǵashqy AITV-ge qarsy vaktsınany maquldady

ASTANA. KAZINFORM — AQSh-tyń Azyq-túlik jáne dári-dármek basqarmasy (FDA) 20 jylǵa jýyq ýaqyt ázirlengen jańa preparatty maquldady, dep habarlaıdy Kazinform tilshisi.

Ol jylyna eki ret qana qabyldanatyn, AITV indetiniń aldyn alatyn álemdegi alǵashqy dári bolmaq.

Bıofarmatsevtıkalyq kompanııanyń aıtýynsha, preparat ımmýn tapshylyǵy vırýsyn dene jasýshalaryna engenge deıin erte kezeńde bloktaý arqyly áreket etedi. Inektsııa jarty jylda bir ret teri astyna engiziledi jáne ınfektsııadan (AITV) senimdi qorǵanys beredi.

— Bul AITV-ge qarsy kópjyldyq kúresten keıingi tarıhı kún. Qazirgi zamannyń mańyzdy ǵylymı jetistikteriniń biri ımmýn tapshylyǵy vırýsy (AITV) indetin toqtatýǵa naqty múmkindik beredi, — dedi kompanııanyń atqarýshy dırektory.

Zertteý derekteri preparatty 3-faza 1 PURPOSE jáne PURPOSE 2 synaqtarynda qabyldaǵan qatysýshylardyń 99,9%-ynda oń nátıje bergenin kórsetedi.

Buǵan deıin Ózbekstanda sheteldikter men mıgranttarǵa JITS-ke mindetti testileý engiziletini habarlanǵan bolatyn.