AQSh ákimshiligi BUU, ıÝNESKO jáne DDSU uıymdaryna jarna tóleýdi ýaqytsha toqtatýdy usyndy
VAShINGTON. KAZINFORM – AQSh prezıdenti Donald Tramptyń ákimshiligi BUU, ıÝNESKO jáne DDSU uıymdaryna amerıkalyq jarnalardy ýaqytsha toqtatýdy usyndy, dep jazdy TASS.
Bul týraly Aq úı juma kúni jarııalaǵan 2026 qarjy jylyna arnalǵan federaldy bıýdjet jobasynda aıtylǵan (AQSh-ta qarjy jyly 1 qazanda bastalady).
Qujatta Tramp ákimshiligi «BUU men basqa da halyqaralyq uıymdarǵa erikti jarnalardy toqtatý» esebinen 1,7 mlrd dollar kóleminde shyǵyndardy qysqartýdy usynady. Atap aıtqanda, bul BUU, ıÝNESKO jáne Dúnıejúzilik densaýlyq saqtaý uıymynyń bıýdjetine beriletin tólemderge qatysty.
Bıýdjet jobasynda AQSh prezıdenti bul uıymdarǵa jarnalardy óz qalaýy boıynsha júzege asyra alatyny aıtylǵan. Bul maqsatqa 2,9 mlrd dollar kóleminde arnaıy «strategııalyq ınvestıtsııalar» qoryn qurý usynylady.
Sondaı-aq, qujatta BUU sheńberindegi keıbir «tıimsiz bitimgershilik mıssııalaryn» qarjylandyrýdan bas tartý arqyly 1,6 mlrd dollar únemdeý qarastyrylǵan.
Buǵan deıin habarlanǵandaı, AQSh 2026 jyly áskerı shyǵyndaryn 1,01 trıllıon dollarǵa ulǵaıtýǵa nıetti.