AQSh Ádilet mınıstrligi Nvidia kompanııasyna qatysty úsh tergeý júrgizip jatyr
ASTANA. KAZINFORM — AQSh Ádilet mınıstrligi amerıkalyq Nvidia chıp óndirýshi kompanııasyna qatysty úsh bólek tergeý júrgizip jatyr. Olardyń biri monopolııaǵa qarsy zańnamanyń buzylýyna qatysty bolsa, qalǵan ekeýi Qytaı barlaý qyzmetimen baılanysy bolýy múmkin kompanııalar. Bul týraly Report.az Semafor basylymyna silteme jasap habarlady.
AQSh ákimshiliginiń eki ókiliniń málimetinshe, tergeýlerdiń biri Nvidia kompanııasynyń monopolııaǵa qarsy zań talaptaryn buzǵan-buzbaǵanyn anyqtaýǵa baǵyttalǵan.
Al qalǵan eki is Megaspeed jáne Supermicro kompanııalarynyń qyzmetine qatysty. Bul tergeýler aıasynda amerıkalyq bılik ókilderi Qytaı barlaý qyzmetimen yntymaqtastyq jasady degen kúdikke ilingen Elıs Hýangqa qatysty mán-jaılardy zerttep jatyr.
Basylymnyń jazýynsha, úsh tergeý bir-birinen táýelsiz júrgizilýde. Ázirge Nvidia kompanııasynyń Elıs Hýangqa qatysty boljamdy zań buzýshylyqtarǵa qatysy bar ekenin rastaıtyn dálelder joq.
Derekkózderdiń habarlaýynsha, AQSh Ádilet mınıstrligi ázirge Nvidia kompanııasyna da, onyń burynǵy bas dırektory Djensen Hýangqa da aıyp taǵýdy josparlap otyrǵan joq.
Eske salaıyq, buǵan deıin Djensen Hýang Elıs Hýangpen qarym-qatynasyna qatysty aqparat taraǵannan keıin nekeden tys baılanysy bolǵanyn moıyndaǵan edi.
Osy oqıǵalar aıasynda Nvidia dırektorlar keńesi sheteldik barlaý qyzmetiniń kompanııa basshysy arqyly korporatıvtik aqparatqa qol jetkizýge árekettengeni týraly boljamdardy tekserý úshin táýelsiz tergeý bastaǵan.
Buǵan deıin AQSh basqa elderdiń Nvidia chıpterin qoldana almaıtynyn málimdegen edi.
