AQSh: 8 jasar bala mıllıoner atandy
ASTANA. QazAqparat - AQSh-ta 3 jyl buryn Evan esimdi bala men onyń ákesi Djared YouTube-tan balalarǵa arnalǵan kanal ashyp, oǵan qysqa beınerolıkter sala bastapty, dep jazady Rosbalt.
Bul vıdeorolıkterde balalarǵa arnalǵan jańa oıynshyqtar men oıyndar týraly avtordyń jeke pikiri jazylǵan. Ákesi ulyn kameraǵa túsirip, onyń vıdeolaryn ǵalamtorǵa júkteýge kómektesip otyrǵan.
Keıin kele Evannyń saraptamalary jurtqa tanyla bastapty. Bala oıynshyqtar jaıly áńgimeleı otyryp, onyń qaı jastaǵy balalarǵa qyzyqty ekendigin, qaı tusy utymdy shyqqanyn, qaı jerinde kemshiligi baryn aıtyp otyrǵan.
Bul kópshiliktiń kóńilinen shyǵyp, olardyń kórermenderi 750 mln. adamǵa jetken. Osy esep boıynsha Evan jylyna $1,3 mln. tabys tabady eken. Onyń ata-anasy bul aqshany saqtap, keıin oqýyna jumsamaq kórinedi.
Bul soma olarǵa Evannyń tanymal brend oıynshyqtardy jarnamalaǵany úshin jáne oǵan sarap jasaǵany úshin tólenedi.
