AQSh 7 jyldan keıin Venesýeladaǵy dıplomatııalyq mıssııasyn qaıta ashty

ASTANA. KAZINFORM — AQSh-tyń jańa ýaqytsha senimdi ókili Laýra Dogý Venesýelaǵa keldi. Osy arqyly 2019 jyldyń aqpanynan beri toqtatylǵan dıplomatııalyq qarym-qatynasty jandandyrdy. 

Bul qadam AQSh-tyń Venesýeladaǵy áskerı operatsııasynan keıin shamamen bir aı ótken soń jasaldy.

— Venesýelaǵa jańa ǵana keldim. Meniń komandam jumysqa kirisýge daıyn, — dep jazdy Laýra Dogý AQSh-tyń Venesýeladaǵy elshiliginiń áleýmettik jelidegi paraqshasynda jarııalanǵan habarlamada.

Acabo de llegar a Venezuela. Mi equipo y yo estamos listos para trabajar. – LFD pic.twitter.com/6N5df9Afd0

— Embajada de los EE.UU., Venezuela (@usembassyve) January 31, 2026

Aıta keteıik, Venesýelanyń bılikten shettetilgen prezıdenti Nıkolas Madýronyń sheshimimen 2019 jyldyń aqpan aıynda Karakas pen Vashıngton dıplomatııalyq qarym-qatynastaryn úzdi. 

Laýra Dogý buǵan deıin Nıkaragýa men Gondýrasta elshi bolǵan.

Eske salsaq, arnaıy operatsııa barysynda Venesýela prezıdenti Nıkolas Madýro men onyń jubaıy AQSh-qa jetkizilip, tutqyndalǵan. 

Bıyl qańtar aıynda Nıkolas Madýro bılikten shettetilgennen keıin alǵash ret AQSh Memlekettik departamentiniń delegatsııasy Venesýelaǵa bardy.

Avtor: Arýjan Jánádil