AQSh 30 qyrkúıekke deıin Iraktan áskerin tolyq shyǵarady
ASTANA. KAZINFORM — Vashıngton men Baǵdad ekijaqty qarym-qatynastyń jańa formatyna kóshetinin rastady, dep habarlaıdy Kazinform agenttiginiń menshikti tilshisi.
Amerıkalyq áskerı qyzmetshiler 30 qyrkúıekke deıin Irak aýmaǵynan tolyq shyǵarylady. Bul týraly Irak Premer-mınıstri Álı áz-Zaıdı Aq úıde AQSh prezıdenti Donald Tramppen kezdesýi barysynda málimdedi.
— 30 qyrkúıekte amerıkalyq ásker Iraktan ketedi, al amerıkalyq kompanııalar Irakqa keledi, — dedi Irak Úkimetiniń basshysy.
Donald Tramp ta AQSh-tyń eldegi áskerı qatysýyn aıaqtaý josparyn rastady.
— Bizge endi ol jaqta áskerı kúsh ustaýdyń qajeti joq dep esepteımiz, — dedi AQSh prezıdenti.
Iraqi Prime Minister Ali al-Zaidi says US troops are set to fully withdraw from Iraq by September 30, in line with the timeline agreed between Baghdad and Washington. pic.twitter.com/4No7Jq3ILW
— Al Arabiya English (@AlArabiya_Eng) July 14, 2026
Keıinirek AQSh Qorǵanys mınıstrligi (Pentagon) taraptardyń 2024 jyly qol jetkizilgen, halyqaralyq koalıtsııanyń «Islam memleketi» terrorıstik uıymyna (Qazaqstanda tyıym salynǵan uıym) qarsy mıssııasyn aıaqtaý jónindegi kelisimderin taǵy da rastaǵanyn habarlady. Buǵan deıin Irakta bolǵan amerıkalyq áskerı qyzmetshilerdiń basym bóligi elden shyǵyp ketken.
2021 jyly koalıtsııanyń jaýyngerlik operatsııalary aıaqtalǵannan keıin Irakta shamamen 2,5 myń amerıkalyq áskerı qyzmetshi qalǵan bolatyn. Olar Iraktyń qaýipsizdik kúshterin daıarlaýmen aınalysyp, «Islam memleketine» qarsy birlesken operatsııalarǵa qatysyp keldi.
Irak Úkimeti sheteldik áskerı kúshterdiń shyǵarylýyn qarý-jaraqqa qatysty tolyq memlekettik baqylaýdy qamtamasyz etýmen baılanystyrady. Álı áz-Zaıdıdiń aıtýynsha, 30 qyrkúıekten keıin bılik memlekettik qurylymdardan tys eshqandaı qarýly toptyń qarý saqtaýyna jol bermeıdi.
Bul málimdeme, eń aldymen, Iran qoldaıtyn ári resmı qaýipsizdik qurylymdarynyń quramynda nemese olarmen qatar áreket etetin yqpaldy qarýly toptarǵa qatysty.
I hosted Iraqi PM Ali al-Zaidi at the Pentagon today.
— Secretary of War Pete Hegseth (@SecWar) July 15, 2026
To deepen our partnership, Iraq must assert its sovereignty and disarm the Iran-aligned militias responsible for 600+ attacks on U.S. personnel this spring.
The U.S. is also looking to the Iraqi Security Forces, including… pic.twitter.com/QbbLMMgTRY
Sonymen qatar Baǵdad pen Vashıngton ekonomıkalyq yntymaqtastyqty keńeıtýdi josparlap otyr. Álı áz-Zaıdıdiń AQSh-qa saparynyń basty maqsaty — Iraktyń munaı-gaz jáne elektr energetıkasy salalaryna amerıkalyq ınvestıtsııa tartý.
Irak Premer-mınıstri eki el arasynda ekonomıkalyq áriptestik týraly birqatar kelisimder jasalatynyn málimdedi. Óz kezeginde Donald Tramp amerıkalyq kompanııalardyń Irakta munaı salasynda birneshe jobany júzege asyrýdy josparlap otyrǵanyn aıtty.
Álı áz-Zaıdıdiń AQSh-qa sapary 18 shildege deıin jalǵasady. Irak bıliginiń málimetinshe, Irak, amerıkalyq Chevron kompanııasy, TI Capital ınvestıtsııalyq toby jáne Qatardyń UCC kompanııasy táýligine 2 mıllıon barrelge deıin munaı tasymaldaı alatyn qubyr salý týraly kelisimge qol qoıýdy josparlap otyr.
Joba boıynsha munaı qubyry Basra qalasyn Hadıta qalasymen baılanystyryp, odan ári Túrkııa men Sırııa porttaryna deıin jetkiziledi.
Eske sala keteıik, buǵan deıin AQSh munaı eksportynda Ormýz buǵazyna balama baǵytty qoldaǵan bolatyn.
Aıta ketelik Iran Ormýz buǵazyn ashýǵa negiz bolatyn sharttaryn usynǵan edi.
