2026 jyly AQSh áskerı shyǵyndaryn 1,01 trıllıon dollarǵa ulǵaıtýǵa nıetti
ASTANA. KAZINFORM – AQSh kelesi jyly áskerı shyǵyndaryn 1,01 trln dollarǵa deıin arttyrýdy josparlap otyr. Bul týraly Aq úı jarııalaǵan kelesi qarjy jylyna arnalǵan federaldy bıýdjet jobasynda aıtylǵan, dep jazdy TASS.
— Qujatqa sáıkes, Vashıngton 2025 qarjy jylymen salystyrǵanda qorǵanysqa bólinetin qarjyny 13 paıyzǵa kóbeıtýdi kózdep otyr, — delingen habarlamada.
Eske sala keteıik, buǵan deıin AQSh-ta COVID-19 ekpesinen bas tartqan áskerıler qaıta jumysqa qabyldanyp jatqanyn jazǵan bolatynbyz. AQSh Qorǵanys mınıstri Pıt Hegset koronavırýsqa qarsy mindetti vaktsınatsııadan bas tartqany úshin jumystan bosatylǵan áskerı qyzmetkerlerdi qaıta qyzmetke alý týraly buıryqqa qol qoıǵan edi. Bul týraly Pentagon resmı málimdeme jasaǵan bolatyn.
