AQSh 119 zańsyz mıgrantty Panamaǵa deportatsııalady
ASTANA. KAZINFORM – Panama prezıdenti AQSh-tan Aýǵanstan, Qytaı, Úndistan jáne basqa da elderdiń azamattary bar alǵashqy reıs sársenbi kúni kelgenin, jaqyn arada taǵy ekeýi qonatynyn málimdedi, dep habarlaıdy NBC News.
Panama prezıdenti Hose Raýl Mýlınonyń málimdeýinshe, Tramp ákimshiligimen kelisim aıasynda Qurama Shtattar ártúrli ult ókilderi bar 119 adamdy Panamaǵa deportatsııalady.
Mýlınonyń habarlaýynsha, Aýǵanstan, Qytaı, Úndistan, Iran, Nepal, Pákistan, Shrı-Lanka, Túrkııa, Ózbekstan jáne Vetnam azamattaryn tasymaldaǵan AQSh-tan alǵashqy reıs sársenbide keldi jáne jaqyn arada taǵy ekeýi qonady. AQSh Panamaǵa úsh reıspen barlyǵy 360 adamdy jiberedi. Jer aýdarylǵandar elderine oralmas buryn Darıen aımaǵy mańyndaǵy baspanaǵa aýystyrylady.
Panama Qaýipsizdik mınıstriniń orynbasary Lýıs Ikasa málimdegendeı, Panama men AQSh-tyń ekijaqty yntymaqtastyǵy arqasynda Darennen (zańsyz mıgranttar ótetin djýnglı) ótken mıgranttar aǵyny qańtarda bir jyl burynǵy aımen salystyrǵanda 90%-ǵa azaıǵan.
Eske sala keteıik, buǵan deıin AQSh Halyqaralyq qylmystyq sottyń Bas prokýroryna qarsy sanktsııa engizgen bolatyn.