AQSh 100 myńnan astam vızanyń kúshin joıdy
ASTANA. KAZINFORM – AQSh Memlekettik departamenti qylmystyq áreketke baılanysty 100 myńnan astam vızany qaıtaryp aldy, dep habarlaıdy Kazinform.
Bul týraly cyrtqysaıası vedomstvonyń H áleýmettik jelisindegi jazbasynda habarlandy.
Atap ótilgendeı, AQSh quqyq qorǵaý organdarymen baılanysy bolǵan qylmystyq áreketke qatysty adamdarǵa arnalǵan shamamen 8 myń stýdenttik jáne 2 500 mamandandyrylǵan vızanyń kúshi joıylǵan.
– Biz Amerıkanyń qaýipsizdigin qamtamasyz etý úshin bul qylmyskerlerdi deportatsııalaýdy jalǵastyramyz, - delingen jarııalanymda.
Buǵan deıin AQSh Memlekettik departamenti 6 myńnan astam halyqaralyq stýdenttik vızanyń kúshin joıǵanyn jazdyq. Bul elde zań buzý men merzimi bitken soń da qalý jaǵdaılarynyń kóbeıýimen túsindirildi.
Sondaı-aq AQSh Ortalyq Azııa azamattaryna 15 myń AQSh dollarǵa deıin vızalyq kepil engizgenin habarlaǵan edik.