AQSh 100-ge jýyq elge 10% baj salyǵyn engizedi

ASTANA. KAZINFORM – Qurama Shtattar Vashıngtonmen adal saýda kelissózin júrgizgen elderge 10% baj salyǵyn engizbek. Bul týraly AQSh qarjy mınıstri Skott Bessent málim etti, dep habarlaıdy reseılik TASS.

- Prezıdent Tramp kelissózderdi adal júrgizip jatqan ederge qoldaý kórsetpek. Menińshe, baj salyǵynyń tómengi deńgeıi qoıylatyn elder sany 100-ge jýyqtaıdy degen oıdamyn, ári qaraı taǵy kórermiz, - dedi ol Bloomberg TV arnasyna bergen suhbatynda.

Bessenttiń pikirinshe, 9-shy shildege deıingi, ıaǵnı saýda kelisimin jasaýǵa berilgen ýaqyttyń qalǵan bir aptasynda AQSh ózge melekettermen kóptegen kelisimder jasaıdy deýge bolady.

2 sáýir kúni AQSh prezıdenti Donald Tramp 185 memleket pen aýmaq ónimderine keden alymdary engiziletinin málimdegen bolatyn. 10 paıyzdyq ámbebap tarıfter 5 sáýir kúni, jeke tarıfter 9 sáýir kúni kúshine endi.

Sol kúni AQSh prezıdenti qarymta salyqtardyń bóliginiń atqarylý merzimin 90 kúnge toqtatty. Aq úı ony júrgizilýi tıis saýda konsýltatsııalarymen baılanysty ekenin málim etti.

Al ázirge 10 paıyzdyq ámbebap tarıf kúshinde. Tramp 27 maýsym kúni bir jarym apta ishinde AQSh jeke kelisim jasamaıtyn elderge habar beriletinin naqtylaı ketti.

Osyǵan deıin Qytaı AQSh-pen saýda kelisimi jasalǵanyn rastaǵany týraly jazdyq.