AQSh: 10 jyl buryn joǵalǵan qyz tiri tabyldy
ASTANA. QazAqparat - 10 jyldan beri joǵaldyǵa sanalǵan Kalıfornııalyq qyz aman-saý kúıinde tabyldy, dep jazady Bı-bı-sı.
Ony tutqynda ustap kelgen qylmyskerdiń qamaýǵa alyndy. Japa shegýshi Facebook-ten ápekesin taýyp alyp, sodan soń polıtsııaǵa ózi habar bergen.
Santa-Ana qalasynyń polıtsııasy budan 10 jyl buryn 15 jasar qyzdyń joǵalyp ketkenin jarııalaǵan bolatyn. Qazir onyń jasy 25-te. Esimin atamaýdy suraǵan áıel tutqyndaýshysy oǵan turmysqa shyǵýǵa jáne bala týýǵa májbúrlegenin aıtady. Ony osy ýaqytqa deıin tutqynda ustap kelgen 41 jasar Isıdro Garsııaǵa kóptegen aıyp taǵylýda: zorlyq, zańsyz bas bostandyǵynan aıyrý.
Ony polıtsııa qyzmetkerleri tutqyndaǵanda kórshileri tań-tamasha bolypty. Sońǵy sátke deıin olar ózderiniń qasynda baqytty jup ómir súredi dep oılap kelgen.
