AQSh 1 mlrd dollarǵa jýyq avtorlyq quqyqty buzǵan Ýkraına azamatyna qatysty qylmystyq is qozǵady
ASTANA. QazAqparat - AQSh bıligi Ýkraına azamaty Artem Vaýlındi avtorlyq quqyq ıelerine 1 mıllıard dollardan astam shyǵyn keltirdi dep aıyptady. Bul týraly «VVS» agentti habarlaıdy.
AQSh bıligi álemge tanymal «Kickass Torrents torrent» saıtynyń ıesi, Ýkraına azamatyna qatysty qylmystyq is qozǵady. AQSh Ádilet mınıstrligi Harkovtyń 30 jastaǵy turǵyny Artem Vaýlınge avtorlyq quqyqtyń buzylýy, aqsha jymqyrý jáne basqa da qylmystar boıynsha aıyp taǵyp otyr.
Vaýlın sársenbi kúni Polshada ustaldy. AQSh onyń ekstradatsııalaýyna bar kúshin salmaq.
«Vaýlın ǵalamtordaǵy tanymal torrent-saıtty basqarady, onda quny 1 mıllıard dollardan asatyn kontent zańsyz taralyp jatyr», - dep málimdedi AQSh bas prokýrorynyń kómekshisi Leslı Koldýell.
Ádilet mınıstrliginiń aıtýynsha, Kickass Torrents saıtyn aı saıyn 50 mıllıonǵa jýyq adam paıdalanady. Tanymaldylyǵy boıynsha, saıt 69-shy orynda tur.
Vaýlınge qarsy materıaldar Chıkago aımaqtyq sotyna berildi jáne sot bank shotyn, torrent trekerge baılanysty jeti domendik ataýlardy toqtatý týraly sheshim qabyldady.
